網紅的藏寶箱0624 - 0625 宇宙船 扭蛋劇場 光明會
N: 喂你做咩呀？
O: 我？我冇做咩啊。
N: 我頭先見你偷偷地放咗啲嘢入袋喎。
O: 冇喎⋯⋯咩都冇攞過喎。
N: 攞返出嚟。
O: 冇呀⋯⋯
N: 攞返出嚟呀！
O: 都話冇囉！
N: 冇？呢個咩嚟㗎！
N: 睇你有咩好解釋！呢個係乜嘢嚟？
O: 呢個我㗎！
N: 呢個光環係你嘅？我睇住你偷仲抵賴？
O: 我㗎！不嬲都喺頭頂㗎！
N: 我平時冇見你戴開㗎喎！你唔好諗住而家人人都有，你偷咗就唔覺喎！好覺眼喎！你信唔信我而家即刻攞照妖鏡照你！
O: 你⋯⋯你照囉！
N: 吖！大我咁話啦喎！
N: 我就攞照妖鏡12 pro max照你！
O: 你睇吓吖！塊照妖鏡照到我有光環㗎！
N: 你中計喇！呢塊照妖鏡12 pro max喺呢幾日係專照啲照鏡時候，自己見到自己有光環嘅人，就係妖！
O: 我都係想支持下咋嘛！
N: 你想支持你就用自己方法，唔好去到呢啲時候都仲喺度偷嘢！你知而家你偷咗乜嘢都冇人管到你㗎，但係你係咪要咁吖？偷咗你都戴唔穩啦！喺度偷光環！你偷個鼻環好過啦！
Search